|
Selje har oftast buskform med fleire stammar, og blir vanlegvis berre nokre få meter høg. Ho blømer på bar kvist i mars-april. Hannraklane er gule og hunnraklane er gulgrå eller sølvgrå. Hunnraklane vert til mange kapselfrukter med små, hårete frø. Seljeblada er glatte og grøne på oversida, grå og sterkt håra på undersida. Kanten har runde tenner.
Etymologi: Namnet Salix er eit 2000 år gammalt romersk namn på selje og pil. Namnet caprea er avleia av geit.
Veksestad: Den veks i skog og kratt, vei- og åkerkantar.
Utbreiing: I heile landet.
Bruk: Seljebark og lauv har som mange andre treslag vorte brukt til husdyrfôr. Seljekvister med gåsungar er sterkt knytta til palmesundag. Nokre stadar har selje med blomar til og med vorte kalla påskepalme eller palme.