Inntil 50 m høgt bartre. Gran får vanlegvis kjegleform. Stammen er rettvokst med eit dominerande toppskot, greinene sit i kranser. Høgderekorden ligg tett opp til 50 meter, og treet kan verte 400 år gammalt. For god vekst treng gran fuktig næringsrik grunn. Grannålene sit på alle sidene av kvisten. Nålene er firkantede i tverrsnitt og lever i fleire år. Konglene er hengande med fast tiltrykte kongleskjell.
Etymologi: Slektsnamnet Picea kjem av pix som tyder kvae. Abies er eit gammalt namn på edelgran.
Veksestad: Danar skogar over mykje av landet.
Utbreiing: Gran veks villt nord til Nordland, med enkelte spreidde forekomster i Nord-Troms og Aust-Finnmark. Gran veks opp til 1350 m.o.h.
Bruk: Gran er vårt økonomisk viktigaste treslag. Grana blir laga om til bl.a. papir og papirprodukter, bygningsmateriale og møbel.
Historie: Fyrst ved overgangen til bronse- og jernalder, for omlag 2500 år sidan, reknar me med at grana vandra inn på Austlandet. Då vart bl.a. furuskogane tekne av granskogane. Grana kunne klare seg med mindre lys, men kunne ikkje konkurrere med furu på dei tørraste stadane. Seint tok grana mykje av landet. Det var vanskeleg for grana å gå over dei høge fjella. Fyrst rundt år 1200 klarte grana å få eit lite fotfeste på Vestlandet.