Hassel

Fam. Bjørkefamilien --> U.fam. Coryloideae --> Slekt Corylus -->

Corylus avellana

Hassel har ofte buskform med mange små stammer. Då vert den vanlegvis berre 5 m høg. Blada er spreidtstilla, tilspissa og med dobbeltagga kant. Bladplata er tynn og mjukt håra. Stilken har kjertelhår. Hassel får nøter som er omgjeven av ein bladaktig hams og sit ofte saman 2-4. Det er funne opptil 22 nøter i ei samling. Nøtene er fettrike og ettertrakta av mange dyr. Blomane er raklar som blømer ofte allereie i mars. Hannraklane sprer gult pollen, som dei utstikkande purpurraude arra på dei knoppforma horaklane fangar opp.

Etymologi: Corylus er eit romersk namn på hassel. Avellana tyder at planten er frå Avella i Italia, der ein tidleg byrja å dyrke hassel.

Veksestad: Hassel veks i kratt, urer og tørre bakker. Den krev god jord for å trivast.

Utbreiing: Nord til Nordland.

Bruk: Rette, fine hasselbuskar gav før mange grunneigarar ei ekstrainntekt. Dei var sterkt etterspurde og vart brukt til tønneband og band rundt stampar og kar. Ein del vart eksportert. Nøtene var og ei gode som var på hassel. Det var grunneigeren sin eigedom. I ein annan mann sin skog kunne ein berre plukke for å ete på same staden, etter loven. Nøtene var så verdifulle at nokre stader måtte det betalast ekstra tiende for nøtene.

Siden ble sist oppdatert: 2021-07-28 08:18:58

---

Kommentarer:
	Navn:
	Tekst:
		Skriv inn tallet (For å forhindre spam må dette fylles inn)

Teksten på denne siden er lisensiert under Creative Commons Attribution-ShareAlike 3.0 License. Egne bestemmelser gjelder for hvert enkelt bilde.
Om Naturfakta | Kontakt nettsideansvarlig | Personvern | Et ord om kildebruk